Dod yn aelod

Rydym yn cefnogi aelodaeth gynyddol o sefydliadau diwydiant, y byd academaidd, a'r sector cyhoeddus — a phob un yn cychwyn ar eu teithiau tuag at sero net.

Two workers in hard hats and high-vis at a computer

Buddion craidd i aelodau

Os hoffai’ch sefydliad ddechrau ei daith sero net ei hun; dysgu gan fusnesau eraill sy’n gwneud yr un peth; a helpu Cymru i gyflawni ei thargedau sero net 2050 — yna rydych chi yn y lle iawn.

Gall aelodau ehangu eu cyrhaeddiad a chefnogi Cymru ar ei siwrnai sero net ehangach drwy adrodd stori eu sefydliadau drwy’r sylw a roddir i NZIW yn y cyfryngau, sylw ar LinkedIn ac astudiaethau achos ar y wefan. Gallwn gynnig pecyn cymorth cyfathrebu NZIW, am ddim, i aelodau i’w helpu i gymryd rhan.

Cymysgedd o weithdai personol a rhithwir, yn cael eu cynnig yn rheolaidd ac wedi’u teilwra i anghenion ein haelodau. Wrth ddarparu gofod i ddysgu, gofyn cwestiynau a rhannu gwybodaeth, mae’r digwyddiadau hyn yn grymuso ein haelodau i adeiladu cysylltiadau proffesiynol parhaol. Cadwch lygad am ragor o wybodaeth am ein digwyddiadau i aelodau.

Mae ein Prif Swyddog Gweithredol, Ben Burggraaf, ar gael i siarad mewn digwyddiadau/cyfarfodydd cwmnïau (yn amodol ar ei argaeledd) — gyda’r nod o ysbrydoli gweithwyr a rhanddeiliaid ein haelodau; eu hannog i gyd-fynd â’ch amcanion sero net; a’ch helpu i feithrin diwylliant o gynaliadwyedd.

Bob chwarter byddwch yn derbyn e-gylchlythyr sy’n cynnwys crynodeb o newyddion NZIW; cymorth gan y Llywodraeth a chyfleoedd buddsoddi; adnoddau a chyhoeddiadau sydd newydd eu cyhoeddi a digwyddiadau a chyfleoedd rhwydweithio cenedlaethol, rhanbarthol a lleol perthnasol.

Mae ein haelodau’n cael arweiniad a chymorth wrth bontio i gyflawni sero net, ac rydyn ni’n rhannu llwybrau clir i leihau eu hallyriadau carbon diwydiannol yn effeithiol. Mae Diwydiant Sero Net Cymru wedi ymrwymo i gefnogi aelodau ar bob cam o’u taith cynaliadwyedd hefyd — felly, p’un a ydych chi’n dechrau arni nawr neu wedi dechrau ar y daith at sero net yn barod, bydd Diwydiant Sero Net Cymru yn rhoi’r arweiniad sydd ei angen arnoch chi i gyflymu eich cynnydd. O fis Chwefror 2024 ymlaen, bydd ein haelodau’n gallu cael mynediad at sesiynau cymhorthfa misol. Bydd y sesiynau hyn yn cael eu cynnal bob ail fore Gwener y mis. Bydd aelodau’n gallu trefnu slot 30 munud i drafod lle maen nhw ar eu taith ac edrych ar sut gall Diwydiant Sero Net Cymru eu cefnogi a’u grymuso i greu dyfodol mwy gwyrdd. Mwy o wybodaeth cyn bo hir!

Rydyn ni’n helpu ein haelodau i sicrhau cyllid grant am brosiectau carbon isel drwy gyllid ymlaen llaw am gymorth i ysgrifennu ceisiadau arbenigol. Rydyn ni wedi dewis grŵp o ysgrifenwyr ceisiadau profiadol i’ch helpu i ddatblygu ceisiadau apelgar a fydd yn datgloi cyfleoedd buddsoddi yn llwyddiannus.

Bydd NZIW yn ariannu’r costau ymlaen llaw i gefnogi’r gwaith o ysgrifennu ceisiadau am brosiectau credadwy sy’n ceisio cael cymorth cyllid grant. Mae hyn werth hyd at £10,000 (heb gynnwys TAW) fesul prosiect ac mae angen i’r aelod ad-dalu’r gwerth os yw’r cais yn llwyddiannus. Mae’r gwasanaeth hwn yn amodol ar argaeledd cyllid digonol.

Gwasanaethau ychwanegol, yn amodol ar daliadau aelodaeth ychwanegol:

Cyflwyno prosiect cydweithredol: Gwasanaethau sydd ar gael i aelodau, yn amodol ar daliadau aelodaeth ychwanegol. Bydd ein partneriaethau rhanddeiliaid aml-lefel gyda Chyfoeth Naturiol Cymru, Awdurdodau Cynllunio Lleol a chyrff rheoleiddiol eraill, i ddadrisgio a chyflymu’r broses o gyflawni eich prosiectau Sero Net – tra’n cyd-fynd ag egwyddorion Deddf Llesiant Cenedlaethau’r Dyfodol (2015). Drwy ddefnyddio Memorandwm Cyd-ddealltwriaeth pwrpasol ar gyfer eich prosiect (i’w gytuno rhwng pob parti), fel parti annibynnol y gellir ymddiried ynddo, byddwn yn cefnogi proses gydsynio eich prosiect.

Gall maint hyn gael ei bennu gan yr aelod ac mae’n dibynnu ar gwmpas y prosiect (y cytunir arno ymlaen llaw). Bydd costau’r gwasanaethau yn cael eu hailgodi ar yr aelodau ar gost, ynghyd â thâl gorbenion i ariannu cychwyn y prosiect a chydlynu’r rhaglen yn gyffredinol (tâl gorbenion i’w gadarnhau).

Mynediad at wasanaethau ysgrifennu ceisiadau proffesiynol: Rydyn ni’n helpu ein haelodau i sicrhau cyllid grant ar gyfer prosiectau carbon isel drwy roi cyllid ymlaen llaw am gymorth gan ysgrifenwyr ceisiadau profiadol. Rydyn ni wedi dewis grŵp o ysgrifenwyr cynigion profiadol i ddarparu cefnogaeth ac arbenigedd — byddan nhw’n eich helpu chi i greu cynigion diddorol a datgloi cyfleoedd buddsoddi. Bydd Diwydiant Sero Net Cymru yn ariannu’r costau ymlaen llaw i gefnogi’r gwaith o ysgrifennu ceisiadau am brosiectau credadwy sy’n ceisio cael cymorth cyllid grant, ar ôl cam sgrinio cychwynnol y prosiect. Mae hyn yn werth hyd at £10,000 (heb gynnwys TAW) fesul prosiect a bydd angen i’r aelod ad-dalu’r gwerth os yw’r cais yn llwyddiannus. Mae’r gwasanaeth hwn yn amodol ar argaeledd cyllid digonol.

Cyfrwng cyflawni ar y cyd (y sector cyhoeddus a phreifat): Bydd y partneriaethau aml-lefel rydyn ni’n eu datblygu â rhanddeiliaid fel Cyfoeth Naturiol Cymru, Awdurdodau Cynllunio Lleol, a chyrff rheoleiddio eraill, yn lleihau risg ac yn cyflymu’r broses o gyflawni eich prosiectau Sero Net – ac yn eu cyflawni mewn ffordd sy’n cyd-fynd â Deddf Llesiant Cenedlaethau’r Dyfodol (2015). Drwy ddefnyddio Memorandwm Cyd-ddealltwriaeth pwrpasol ar gyfer eich prosiect (i’w gytuno rhwng pob parti), fel parti annibynnol y gellir ymddiried ynddo, byddwn yn cefnogi proses gydsynio eich prosiect.

Gall maint hyn gael ei bennu gan yr aelod ac mae’n dibynnu ar gwmpas y prosiect (y cytunir arno ymlaen llaw). Bydd costau’r gwasanaethau yn cael eu hailgodi ar yr aelodau ar gost, ynghyd â thâl gorbenion i ariannu cychwyn y prosiect a chydlynu’r rhaglen yn gyffredinol (tâl gorbenion i’w gadarnhau).

A group of people at a conference
Netzero Icon

Cofrestrwch eich diddordeb

    Gwybodaeth Cwmni






     

    Prif wybodaeth gyswllt




     

    Mae'r wefan hon wedi'i diogelu gan reCAPTCHA ac mae Polisi Preifatrwydd a Telerau Gwasanaeth Google yn berthnasol.

    7Co2 Logo Cwmni
    Apollo Engineering Consultants Logo Cwmni
    Associated British Ports Logo Cwmni
    Avantis Marine Limited Logo Cwmni
    Bute Energy Logo Cwmni
    Celsa Group Logo Cwmni
    Celtic Green Energy Logo Cwmni
    Celtic Sea Power Limited Logo Cwmni
    DCarbonX Logo Cwmni
    Dragon LNG Logo Cwmni
    Energy 101 Logo Cwmni
    Enevaro Logo Cwmni
    Enfinium Logo Cwmni
    ERM Logo Cwmni
    Gradyent Logo Cwmni
    H2 Energy Ecosystems Logo Cwmni
    Hugh James Logo Cwmni
    IGEM Logo Cwmni
    LanazaTech Logo Cwmni
    Marubeni Europower Logo Cwmni
    Net Zero Energy Systems Logo Cwmni
    NPTC Logo Cwmni
    Panasonic Logo Cwmni
    PCC Logo Cwmni
    Progressive Energy Logo Cwmni
    Rockwool Logo Cwmni
    Royal Mint Logo Cwmni
    RWE Logo Cwmni
    Tata Steel Logo Cwmni
    University of South Wales Logo Cwmni
    Vale Logo Cwmni
    Valero Energy Ltd Logo Cwmni
    Wales & West Utilities Logo Cwmni
    WEPA UK Ltd Logo Cwmni
    Woodknowledge Wales Logo Cwmni